ФОРТЕПИАНО АСПАБЫНАН ОҚУШЫНЫ ПСИХОЛОГИЯЛЫҚ ЖАҒЫНАН САХНАҒА ДАЙЫНДАУ

Мақаланың өзектілігі кәсіби дағдыларды жетілдіру, музыкалық орындаушылардың шығармашылық қызметіндегі маңызды кезең ретінде сахнада өнер көрсетуге қажетті арнайы қасиеттерді дамыту мәселесін қарастырумен байланысты. Бұл үдерісте оқушы, оның ата-анасы және педагог өзара әрекеттеседі. Зерттеудің мақсаты – концерттік орындау кезінде (яғни, сахналық мәдениетті қалыптастыруда) оқушының өзінөзі ұстай білу қабілетін тәрбиелеуге арналған эмпирикалық тәжірибені жинақтау және бұл күрделі әрі жеке процессқа талдау жасау. Зерттеудің негізіне эксперименттік бақылау және оқушыларға сауалнама жүргізу әдістері алынған. Автор орындаушының психологиялық жағдайының оның артистизмі мен орындаушылық техникасына ықпалын талдай отырып, сахнада өнер көрсету дағдыларын қалыптастыруда кешенді тәсілдің қажеттілігіне назар аударады. Сондай-ақ, мақалада педагог тарапынан психологиялық қолдаудың маңыздылығы көрсетіліп қана қоймай, репетициялық әдістер, назар мен концентрацияны жаттықтыру, визуализация әдістері оқушылардың өзін-өзі сенімді ұстауы мен сахналық тұрақтылығын қалыптастыруға бағытталған құралдар ретінде жан-жақты сипатталады.