“Hayratu-l-Abror”da Baqo Talqini

Maqolada tasavvuf va unga aloqador tushunchalarning Islom bilan chambarchas bog‘liq ekaniga shubha yo‘q. Tasavvuf falsafasini, ayniqsa, fano va baqo masalasini jiddiy o‘rganish, uning Sharq falsafasi, badiiy adabiyotidagi talqinlari mohiyatini to‘la ochib berish va dunyo ilm-faniga taqdim eta olish juda dolzarbdir. Demak, O‘zbek mumtoz adabiyoti, xususan, Alisher Navoiy ijodidagi fano, baqo talqinlarini maxsus tekshirish ayni nuqtai nazardan ham ahamiyatli.Ushbu maqolada Hazrat Alisher Navoiyning “Hayratu-l-abror” asarida baqo maqomi, solikning baqoga olib boradigan fano martabalari, solikni fano va baqoga olib boruvchi: Iymon, Islom, adolat, karam, adab, qanoat, vafo, ishq, rostlik, ilm kabi bir qancha fazilatlarga alohida-alohida to‘xtalib o‘tildi, ularning mohiyati xususida mutasavvuflarning nazariy qarashlari va ushbu martabalarning badiiy talqini masalasi tahlil etilgan. Shu bilan birga ushbu maqolada fano va baqo talqini masalasi Alisher Navoiyning lirik janrdagi asarlaridan liro-epik asarlaridagi farqlari ochiqlangan.